Oshiningwanima shokuyasha ovaleli vomukunda osho sha ningwa omutenya wEtitano moshitopolwahoololo shaShikoto otaku tiwa oshi li eponokelo komalelo opamufyuululwakalo.
Oshinima eshi osha popiwa koshilyo shopaliamente shoSwapo Willem Amutenya, oo a shanga kepandja laye lokomalungula ta kelele edipayo li nyanyalifa lamwene womukunda wedina Onelago, Sem Nepando namwene womukunda Iikokola noku li omukulunhuwiliki wokomisi yokuninga omafaneko opashiwana, I-Ben Nashandi, oo kwa li a lemanekwa pefimbo loshiningwanima eshi.
Kaume kofamili omushivi veta akula Festus Mbandeka okwa ti Nashandi paife oku li moshipangelo e li monghalo tai nuwa omeva.
“Okuyasha ovaleli vopamufyuululwakalo oku ku nyanyalifa otaku udifa omitima nai neenghono noku li taku piyaaneke neenghono.
Eponokelo, ndee kali fi ashike kovaleli vavali ovafimanekwa, ashike okelelo yoo lopamufyuululwakalo nombili oyo twa kwatela po nawa,” Amutenya osho a ti ngaho.
Okwa ti eponokelo la tya ngaho ole linyengifa onghalo yeameno shaashi ola eta oumbada mokati kovaleli vahapu.
Okwa weda po kutya ola piyaaneka oilonga yomahangano opamufyuululwakalo yokuwilika, okweeta ombili pokati kovanhu neyokomesho.
“Ohatu yandje omahekeleko etu a dja komutima kofamili noshiwana ‘shElenga’ Sem Nepando pefimbo e li loluhodi. Omwenyo waye nau tulumukwe mombili yaalushe, nondjokonona yaye yomayakulo nai twikile fiyo alushe,” Amutenya osho a ti ngaho.
Okwa halela yoo vali Nashandi oukolele neenghono eshi ta veluka koshinima eshi shi nyanyalifa, osho a ti ngaho.
Oshiponga eshi Amutenya okwa ti otashi pula ovanhu aveshe ve limange oukuni kumwe ndee tava alula elongelokumwe lavo lopamuhanga lokwaamena ovo have liyambe okuyakula oshiwana shavo nokuyambula po ongushu yombili yaNamibia, efimaneko nounhu womunhu.
Omushangwa wa nyolwa Etitano kelelo lopamufyuululwakalo laNdonga owa ti kutya Nepando naNashandi okwa li tava wanifa po oshinakuwanifa shavo shopamufyuululwakalo eshi omunhu umwe e shiivike meenamanana omu a kufa oshifufuta ndee ta tameke okuumba.
Oshinima eshi osha ningwa pefimbo longhendabala yokupotokonona eenamanana momhangu yopamufyuululwakalo yomukunda Iikokola, epotokonono eli okwa li tali ningwa palongelokumwe nokatendo komhangu yoshiwana nokatendo komalelo opamufyuululwakalo.
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch.
It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency,
while
maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
