PD ka depozituar një tjetër kërkesë për mbledhjen e Këshillit të Mandateve dhe Imunitetit për çështjen Balluku. SPAK kërkon heqjen e imunitetit të Belinda Ballukut, në kuadër të hetimeve të ndërmarra për të. 5 anëtarët e PD-së kanë bërë një tjetër përpjekje që të mblidhet ky organ i parlamentit, në mënyrë të tillë që të shqyrtohet kërkesa e SPAK, për dhënien e autorizimit për arrestimin e Ballukut.
Dje u konsumua dhe dështoi për herë të 4 mbledhja e Këshillit të Mandateve, ndërkohë që sot demokratët nuk humbën kohë dhe depozituan një tjetër kërkesë për zhvillimin e mbledhjes.
Gazetari Ergys Gjençaj raportoi në një lidhje live se dje socialistët nuk u paraqitën në mbledhje, me argumentin se Këshilli do të mblidhet pasi të jepet një vendim nga GJKKO dhe Kushtetueses.
© BalkanWeb
<!– fillon sondazh
–>
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
