Muni waKeetmanshoop okwa yandja oikulya kovakulupe kodoolopa oko Etitano.
Oshinima eshi oshi li ombinga imwe yopolohalama yomayambidido okomudo yamuni, oyo tai lalakanene okuxwepopeka onghalo yomumbwe yoikulya momaumbo mokati kovakulupe.
Eshi kwa li ta popi poshivilo mayola waKeetmanshoop Melody Swartbooi okwa ti elalakano lopolohalama okushunifa kovakulupe ongolupandu.
“Opolohalama ei kai fi ashike yokutya tambula ndee to pula komesho nonghalamwenyo yoye, ashike okuulikila ovakulupe eyambidido loshili.”
Okwa ti opolohalama oya tala ashike kovakulupe ovo ve li momumbwe shili, unene ngaa ovo ve linyolifa kumuni okudja momudo 2024 fiyo onena.
“Eshi otashi kwashilipaleke kutya oinima ei oya fika ovo ve li momumbwe shoshili,” osho a fatulula ngaho.
Swartbooi natango okwa ti omwaalu wovanhu ovo va tofwa mo kutya ove li momumbwe paife ou li po1 700 fiyo opo1 800, ovo tava ka yakulwa oikando ivali ya yooloka, oshikando oshitivali osha ningwa onghela.
“Omwaalu waavo hava mono omauwa ouhapu neenghono, notwa tofa mo omaumbo ovakulupe e li lwopo1 700 fiyo 1 800, sho osho okutukula haku ningwa oikando ivali ya yooloka nomwaalu u li xwepo opo kukwashilipalekwe kutya opu na ouyuki nefimaneko laavo tava tambula,” osho a ti ngaho.
Keshe mokashako omu na okashako koshuuka keehalama 500, eenanga dotee nekende lomaadi leemililita 750 mokati ashike kaayo i li mo.
-NAMPA
In an age of information overload, Sunrise is The Namibian’s morning briefing, delivered at 6h00 from Monday to Friday. It offers a curated rundown of the most important stories from the past 24 hours – occasionally with a light, witty touch.
It’s an essential way to stay informed. Subscribe and join our newsletter community.
The Namibian uses AI tools to assist with improved quality, accuracy and efficiency,
while
maintaining editorial oversight and journalistic integrity.
Stay informed with The Namibian – your source for credible journalism. Get in-depth reporting and opinions for
only N$85 a month. Invest in journalism, invest in democracy –
Subscribe Now!
